ਦੇਖਭਾਲ ਵਿੱਚ ਮੂਲਵਾਸੀ ਸੱਭਿਆਚਾਰ ਨੂੰ ਪ੍ਰਦਰਸ਼ਿਤ ਕਰਨਾ
ਦੇਖਭਾਲ ਵੱਖਰੀ ਮਹਿਸੂਸ ਹੁੰਦੀ ਹੈ ਜਦੋਂ ਲੋਕ ਆਪਣੇ ਆਪ ਨੂੰ ਆਪਣੇ ਆਲੇ ਦੁਆਲੇ ਵਿੱਚ ਪ੍ਰਤੀਬਿੰਬਤ ਹੁੰਦੇ ਦੇਖ ਸਕਦੇ ਹਨ। ਮੂਲਵਾਸੀ ਮਰੀਜ਼ਾਂ ਅਤੇ ਪਰਿਵਾਰਾਂ ਲਈ, ਸੱਭਿਆਚਾਰਕ ਤੌਰ 'ਤੇ ਪੁਸ਼ਟੀ ਕਰਨ ਵਾਲੇ ਵਾਤਾਵਰਣ ਬਹੁਤ ਫਰਕ ਪਾ ਸਕਦੇ ਹਨ।
ਅਸੀਂ ਪਛਾਣ, ਰਸਮਾਂ ਅਤੇ ਸੰਬੰਧਾਂ ਦਾ ਸਨਮਾਨ ਕਰਨ ਵਾਲੀਆਂ ਥਾਵਾਂ ਬਣਾ ਕੇ ਮੂਲਵਾਸੀ ਸੱਭਿਆਚਾਰਕ ਸੁਰੱਖਿਆ ਨੂੰ ਅੱਗੇ ਵਧਾ ਰਹੇ ਹਾਂ। ਇਹ ਵਾਤਾਵਰਣ ਇਹ ਯਕੀਨੀ ਬਣਾਉਣ ਵਿੱਚ ਮਦਦ ਕਰਦੇ ਹਨ ਕਿ ਮੂਲਵਾਸੀ ਮਰੀਜ਼, ਗਾਹਕ ਅਤੇ ਪਰਿਵਾਰ ਆਪਣੀ ਦੇਖਭਾਲ ਦੀ ਯਾਤਰਾ ਦੌਰਾਨ ਇਸ ਤਰ੍ਹਾਂ ਮਹਿਸੂਸ ਕਰਨ ਕਿ ਉਹਨਾਂ ਨੂੰ ਦੇਖਿਆ ਜਾ ਰਿਹਾ ਹੈ ਅਤੇ ਉਹਨਾਂ ਦਾ ਸੁਆਗਤ ਅਤੇ ਸਤਿਕਾਰ ਕੀਤਾ ਜਾ ਰਿਹਾ ਹੈ।
Paul Myers ਟਾਵਰ ਵਿਖੇ ਹਾਊਸ ਔਫ ਐਲਡਰਜ਼
ਹਾਊਸ ਔਫ ਐਲਡਰਜ਼ ਇੱਕ ਸਮਰਪਿਤ ਸੱਭਿਆਚਾਰਕ ਥਾਂ ਹੈ ਜੋ ਉਹਨਾਂ ਨੂੰ ਸਥਿਰ , ਸੁਰੱਖਿਅਤ ਅਤੇ ਜਾਣਕਾਰ ਮਹਿਸੂਸ ਕਰਵਾਉਣ ਲਈ ਤਿਆਰ ਕੀਤਾ ਗਿਆ ਹੈ। ਇਹ ਰਸਮਾਂ, ਪ੍ਰਾਰਥਨਾ, ਸਮੱਜਿੰਗ ਅਤੇ ਸ਼ਾਂਤ ਪ੍ਰਤੀਬਿੰਬ ਜਿਹੇ ਤੌਰ-ਤਰੀਕਿਆਂ ਲਈ ਜਗ੍ਹਾ ਪ੍ਰਦਾਨ ਕਰਦਾ ਹੈ ਜਿਹਨਾਂ ਨੂੰ ਬਹੁਤ ਸਾਰੇ ਮੂਲਵਾਸੀ ਲੋਕ ਇਲਾਜ ਲਈ ਜ਼ਰੂਰੀ ਸਮਝਦੇ ਹਨ। ਲਾਇਨਜ਼ ਗੇਟ ਹਸਪਤਾਲ ਦੇ ਅੰਦਰ ਸੱਭਿਆਚਾਰਕ ਤੌਰ 'ਤੇ ਅਰਥਪੂਰਨ ਜਗ੍ਹਾ ਹੋਣ ਨਾਲ ਮਰੀਜ਼ਾਂ ਅਤੇ ਪਰਿਵਾਰਾਂ ਨੂੰ ਜ਼ਿੰਦਗੀ ਦੇ ਸਭ ਤੋਂ ਔਖੇ ਪਲਾਂ ਦੌਰਾਨ ਸੱਭਿਆਚਾਰ ਅਤੇ ਭਾਈਚਾਰੇ ਨਾਲ ਜੁੜੇ ਰਹਿਣ ਦੀ ਇਜਾਜ਼ਤ ਮਿਲਦੀ ਹੈ।
ਉਹਨਾਂ ਥਾਂਵਾਂ ਨੂੰ ਬਦਲ ਕੇ ਜਿੱਥੇ ਦੇਖਭਾਲ ਹੁੰਦੀ ਹੈ, ਅਸੀਂ ਇੱਕ ਅਜਿਹੀ ਪ੍ਰਣਾਲੀ ਦਾ ਨਿਰਮਾਣ ਕਰ ਰਹੇ ਹਾਂ ਜਿਸਦੀ ਜੜ੍ਹ ਰਿਸ਼ਤਿਆਂ, ਸਬੰਧਾਂ ਅਤੇ ਭਾਈਚਾਰੇ ਵਿੱਚ ਹੈ।
ਮੂਲਵਾਸੀ ਕਲਾਕਾਰੀ
ਇਹ ਮਹੱਤਵਪੂਰਨ ਹੈ ਕਿ ਪ੍ਰਤੀਨਿਧਤਾ ਦਿਖਾਈ ਦੇਵੇ| ਸਾਡੀਆਂ ਸਾਈਟਾਂ 'ਤੇ ਨਵੀਂ ਮੂਲਵਾਸੀ ਕਲਾਕਾਰੀ ਸੱਭਿਆਚਾਰਕ ਤੌਰ 'ਤੇ ਪੁਸ਼ਟੀ ਕਰਨ ਵਾਲੇ ਵਾਤਾਵਰਣ ਬਣਾਉਣ ਵਿੱਚ ਮਦਦ ਕਰਦੀ ਹੈ ਜਿੱਥੇ ਮੂਲਵਾਸੀ ਮਰੀਜ਼ ਅਤੇ ਪਰਿਵਾਰ ਪਹੁੰਚਦੇ ਸਾਰ ਹੀ ਅਪਣੱਤ ਮਹਿਸੂਸ ਕਰਦੇ ਹਨ।
ਇਹ ਸਥਾਪਨਾਵਾਂ ਇਨ ਪਲੇਨ ਸਾਈਟ ਰਿਪੋਰਟ ਦਾ ਸਮਰਥਨ ਕਰਦੀਆਂ ਹਨ: ਸਿਫਾਰਸ਼ 10, ਜੋ ਕਿ ਸਿਹਤ-ਸੰਭਾਲ ਦੀਆਂ ਥਾਵਾਂ ਨੂੰ ਮੂਲਵਾਸੀ ਲੋਕਾਂ ਲਈ ਸਪੱਸ਼ਟ ਤੌਰ 'ਤੇ ਸੁਰੱਖਿਅਤ ਅਤੇ ਸਵਾਗਤਯੋਗ ਬਣਾਉਣ ਦੀ ਮੰਗ ਕਰਦਾ ਹੈ।
ਇਕੱਠੇ ਮਿਲ ਕੇ, ਇਹ ਕੰਮ ਅਜਿਹੇ ਸਥਾਨ ਬਣਾਉਂਦੇ ਹਨ ਜਿੱਥੇ ਮੂਲਵਾਸੀ ਸੱਭਿਆਚਾਰ ਦਿਖਾਈ ਦਿੰਦਾ ਹੈ, ਇਸ ਦੀ ਪੁਸ਼ਟੀ ਕੀਤੀ ਜਾਂਦੀ ਹੈ ਅਤੇ ਇਸ ਦਾ ਜਸ਼ਨ ਮਨਾਇਆ ਜਾਂਦਾ ਹੈ, ਜਿਹਦੇ ਨਾਲ ਦੇਖਭਾਲ ਦੇ ਵਾਤਾਵਰਣ ਵਿੱਚ ਵਿਸ਼ਵਾਸ ਅਤੇ ਸੰਪਰਕ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਮਿਲਦੀ ਹੈ।
ਇਹ ਪਹਿਲਕਦਮੀਆਂ ਸੁਲ੍ਹਾ-ਸਫਾਈ ਅਤੇ ਅਜਿਹੇ ਸਿਹਤ-ਸੰਭਾਲ ਵਾਤਾਵਰਣ ਬਣਾਉਣ ਲਈ ਸਾਡੀ ਨਿਰੰਤਰ ਵਚਨਬੱਧਤਾ ਨੂੰ ਦਰਸਾਉਂਦੀਆਂ ਹਨ ਜਿੱਥੇ ਮੂਲਵਾਸੀ ਮਰੀਜ਼ ਅਤੇ ਪਰਿਵਾਰ ਸੁਰੱਖਿਆ, ਸਨਮਾਨ ਅਤੇ ਉੱਚ-ਗੁਣਵੱਤਾ ਵਾਲੀ ਦੇਖਭਾਲ ਦਾ ਅਨੁਭਵ ਕਰਦੇ ਹਨ। ਉਹਨਾਂ ਥਾਵਾਂ ਨੂੰ ਬਦਲ ਕੇ ਜਿੱਥੇ ਦੇਖਭਾਲ ਹੁੰਦੀ ਹੈ, ਅਸੀਂ ਰਿਸ਼ਤਿਆਂ, ਸਬੰਧਾਂ ਅਤੇ ਭਾਈਚਾਰੇ ਵਿੱਚ ਜੜ੍ਹਾਂ ਵਾਲੀ ਇੱਕ ਪ੍ਰਣਾਲੀ ਦਾ ਨਿਰਮਾਣ ਕਰ ਰਹੇ ਹਾਂ, ਜਿੱਥੇ ਹਰ ਵਿਅਕਤੀ ਤੰਦਰੁਸਤੀ ਦੇ ਆਪਣੇ ਮਾਰਗ 'ਤੇ ਸਮਰਥਨ ਮਹਿਸੂਸ ਕਰਦਾ ਹੈ।
ਹਾਲੀਆ ਜੋੜਾਂ ਵਿੱਚ ਸ਼ਾਮਲ ਹਨ:
ਹਿੰਮਤ, ਹਮਦਰਦੀ, ਵਚਨਬੱਧਤਾ
Jordan Gallie, Tsleil-Waututh ਨੇਸ਼ਨ ਦੁਆਰਾ
