ਵਰਚੁਅਲ ਲੱਛਣ ਨਿਗਰਾਨੀ ਕੀਮੋਥੈਰੇਪੀ ਵਾਲੇ ਮਰੀਜ਼ਾਂ ਲਈ ਘਰ ਵਿੱਚ ਮਨ ਦੀ ਸ਼ਾਂਤੀ ਲਿਆਉਂਦੀ ਹੈ।
ਸਹਿਯੋਗ ਮਹਿਸੂਸ ਕਰਨਾ ਹਸਪਤਾਲ ਦੇ ਦਰਵਾਜ਼ੇ 'ਤੇ ਨਹੀਂ ਰੁਕਦਾ। ਲੱਛਣਾਂ ਦੀ ਨਿਗਰਾਨੀ ਕਰਨ ਦੇ ਨਵੇਂ ਤਰੀਕੇ ਕੀਮੋਥੈਰੇਪੀ ਦੇ ਮਰੀਜ਼ਾਂ ਨੂੰ ਘਰ ਵਿੱਚ ਦੇਖਭਾਲ ਦਾ ਅਹਿਸਾਸ ਕਰਵਾਉਣ ਵਿੱਚ ਮਦਦ ਕਰ ਰਹੇ ਹਨ।
ਜਦੋਂ ਮਰੀਜ਼ ਕੀਮੋਥੈਰੇਪੀ ਸ਼ੁਰੂ ਕਰਦੇ ਹਨ, ਤਾਂ ਉਹ ਅਕਸਰ ਸਰੀਰਕ ਮਾੜੇ ਪ੍ਰਭਾਵਾਂ ਅਤੇ ਘਰ ਵਾਪਸ ਆਉਣ ਤੋਂ ਬਾਅਦ ਆਉਣ ਵਾਲੀ ਅਨਿਸ਼ਚਿਤਤਾ ਲਈ ਤਿਆਰੀ ਕਰਦੇ ਹਨ। RESPONSe, ਇੱਕ ਵਰਚੁਅਲ ਲੱਛਣ ਨਿਗਰਾਨੀ ਪ੍ਰੋਗਰਾਮ ਦੁਆਰਾ, ਅਸੀਂ ਮਰੀਜ਼ਾਂ ਨੂੰ ਉਨ੍ਹਾਂ ਦੇ ਇਲਾਜ ਦੌਰਾਨ ਵਧੇਰੇ ਸਮਰਥਿਤ ਅਤੇ ਜੁੜਿਆ ਹੋਇਆ ਮਹਿਸੂਸ ਕਰਨ ਵਿੱਚ ਮਦਦ ਕਰ ਰਹੇ ਹਾਂ।
RESPONSe IV ਕੀਮੋਥੈਰੇਪੀ ਪ੍ਰਾਪਤ ਕਰਨ ਵਾਲੇ ਮਰੀਜ਼ਾਂ ਨੂੰ ਹਸਪਤਾਲ ਛੱਡਣ ਤੋਂ ਬਾਅਦ ਉਹਨਾਂ ਦੀ ਦੇਖਭਾਲ ਟੀਮ ਨਾਲ ਜੋੜਦਾ ਹੈ। ਇੱਕ ਮੋਬਾਈਲ ਐਪ ਜਾਂ ਡੈਸਕਟੌਪ ਪੋਰਟਲ ਦੀ ਵਰਤੋਂ ਕਰਦੇ ਹੋਏ, ਮਰੀਜ਼ ਘਰ ਤੋਂ ਸਧਾਰਨ ਸਿਹਤ ਜਾਂਚਾਂ ਨੂੰ ਪੂਰਾ ਕਰਦੇ ਹਨ ਅਤੇ ਇੱਕ ਨਰਸ ਤੋਂ ਸਮੇਂ ਸਿਰ, ਵਿਅਕਤੀਗਤ ਮਾਰਗਦਰਸ਼ਨ ਪ੍ਰਾਪਤ ਕਰਦੇ ਹਨ। ਲੋੜ ਪੈਣ 'ਤੇ, ਕਲੀਨਿਕ ਟੀਮ ਵਾਧੂ ਸਹਾਇਤਾ ਪ੍ਰਦਾਨ ਕਰਨ ਲਈ ਸਿੱਧਾ ਸੰਪਰਕ ਕਰਦੀ ਹੈ।
Sydney Cuthill ਲਈ, ਜੋ ਅੱਠ ਸਾਲਾਂ ਤੋਂ ਕੈਂਸਰ ਦੀ ਦੇਖਭਾਲ ਨੂੰ ਸਮਝ ਰਹੀ ਹੈ, ਫਰਕ ਤੁਰੰਤ ਮਹਿਸੂਸ ਹੋਇਆ। ਪਿਛਲੇ ਸਾਲ ਕੀਮੋਥੈਰੇਪੀ ਦਾ ਇੱਕ ਹੋਰ ਦੌਰ ਸ਼ੁਰੂ ਕਰਨ ਤੋਂ ਬਾਅਦ, ਉਸਨੂੰ ਇੱਕ ਅਜਿਹਾ ਭਰੋਸਾ ਮਹਿਸੂਸ ਹੋਇਆ ਜੋ ਉਸਨੇ ਪਹਿਲਾਂ ਕਦੇ ਮਹਿਸੂਸ ਨਹੀਂ ਕੀਤਾ ਸੀ।
"ਇਹ ਦਿਨ ਅਤੇ ਰਾਤ ਦੇ ਫਰਕ ਵਰਗਾ ਹੈ," Sydney ਕਹਿੰਦੀ ਹੈ। ”ਘਰ ਤੋਂ ਨਿਗਰਾਨੀ ਨੇ ਸਾਰਾ ਫਰਕ ਪਾ ਦਿੱਤਾ। ਮੈਂ ਇੱਕ ਵਾਰੀ ਇੱਕ ਛੋਟਾ ਸਵਾਲ ਪੁੱਛਣ ਲਈ ਕਾਲ ਕੀਤੀ ਅਤੇ ਨਰਸਾਂ ਨੇ ਕਈ ਮਦਦਗਾਰ ਸੁਝਾਅ ਦਿੱਤੇ। ਇਹ ਸ਼ਾਨਦਾਰ ਸੀ।”
ਰਿਚਮੰਡ ਹਸਪਤਾਲ ਵਿਖੇ ਕੈਂਸਰ ਕੇਅਰ ਟੀਮ ਦੁਆਰਾ ਲੱਛਣਾਂ ਦੇ ਪ੍ਰਬੰਧ ਲਈ ਵਧੇਰੇ ਕਿਰਿਆਸ਼ੀਲ ਪਹੁੰਚ ਅਪਣਾਉਣ ਲਈ RESPONSe ਵਿਕਸਿਤ ਕੀਤਾ ਗਿਆ ਸੀ।
ਰਿਚਮੰਡ ਹਸਪਤਾਲ ਦੇ ਮੈਡੀਕਲ ਓਨਕੋਲੋਜਿਸਟ ਅਤੇ ਪ੍ਰੋਜੈਕਟ ਲਈ ਮੈਡੀਕਲ ਲੀਡ ਡਾਕਟਰ Jeremy Ho ਕਹਿੰਦੇ ਹਨ, "ਚੰਗਾ ਸੰਚਾਰ ਅਤੇ ਸ਼ੁਰੂਆਤੀ ਲੱਛਣਾਂ ਦਾ ਪ੍ਰਬੰਧ ਮਰੀਜ਼ਾਂ ਨੂੰ ਬਿਹਤਰ ਮਹਿਸੂਸ ਕਰਨ ਅਤੇ ਪੇਚੀਦਗੀਆਂ ਤੋਂ ਬਚਣ ਵਿੱਚ ਬਹੁਤ ਮਦਦ ਕਰ ਸਕਦੇ ਹਨ।"
ਮਰੀਜ਼ਾਂ ਲਈ ਆਪਣੀ ਦੇਖਭਾਲ ਟੀਮ ਨਾਲ ਜੁੜਨਾ ਅਤੇ ਭਰੋਸੇਮੰਦ ਸਲਾਹ ਨੂੰ ਜਲਦੀ ਪ੍ਰਾਪਤ ਕਰਨਾ ਆਸਾਨ ਬਣਾ ਕੇ, ਪ੍ਰੋਗਰਾਮ ਲੋਕਾਂ ਨੂੰ ਘਰ ਵਿੱਚ ਵਧੇਰੇ ਆਤਮ-ਵਿਸ਼ਵਾਸ ਮਹਿਸੂਸ ਕਰਨ ਵਿੱਚ ਮਦਦ ਕਰਦਾ ਹੈ, ਅਕਸਰ ਪੇਚੀਦਗੀਆਂ ਨੂੰ ਰੋਕਦਾ ਹੈ ਅਤੇ ਬੇਲੋੜੀਆਂ ਐਮਰਜੈਂਸੀ ਵਿਭਾਗ ਦੀਆਂ ਫੇਰੀਆਂ ਨੂੰ ਘਟਾਉਂਦਾ ਹੈ।
2024 ਵਿੱਚ ਸ਼ੁਰੂ ਕੀਤਾ ਗਿਆ, RESPONSe ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੈਂਸਰ ਦੇਖਭਾਲ ਲਈ ਆਪਣੀ ਕਿਸਮ ਦਾ ਪਹਿਲਾ ਪ੍ਰੋਗਰਾਮ ਹੈ। ਮਿਨਿਸਟ੍ਰੀ ਔਫ ਹੈਲਥ, ਰਿਚਮੰਡ ਹਸਪਤਾਲ ਫਾਊਂਡੇਸ਼ਨ, ਵੈਨਕੂਵਰ ਕੋਸਟਲ ਹੈਲਥ ਰਿਸਰਚ ਇੰਸਟੀਚਿਊਟ (VCHRI) ਅਤੇ ਉਦਯੋਗਿਕ ਸਾਥੀਆਂ ਵੱਲੋਂ ਫੰਡ ਕੀਤਾ ਗਿਆ ਇਹ ਪ੍ਰੋਗਰਾਮ ਹੁਣੇ ਤੋਂ ਹੀ ਸਕਾਰਾਤਮਕ ਨਤੀਜੇ ਦਿਖਾ ਰਿਹਾ ਹੈ। ਸ਼ੁਰੂਆਤੀ ਅੰਕੜੇ ਮਰੀਜ਼ਾਂ ਦੇ ਨਤੀਜਿਆਂ ਵਿੱਚ ਸੁਧਾਰ ਦਰਸਾਉਂਦੇ ਹਨ, ਅਤੇ 90 ਪ੍ਰਤੀਸ਼ਤ ਭਾਗੀਦਾਰ ਕਹਿੰਦੇ ਹਨ ਕਿ ਉਹ ਦੂਜਿਆਂ ਨੂੰ ਇਸ ਸੇਵਾ ਦੀ ਸਿਫ਼ਾਰਸ਼ ਕਰਨਗੇ। ਵਧੇਰੇ ਮਰੀਜ਼ਾਂ ਅਤੇ ਪਰਿਵਾਰਾਂ ਲਈ ਪਹੁੰਚ ਨੂੰ ਬਿਹਤਰ ਬਣਾਉਣ ਲਈ ਇੱਕ ਰਵਾਇਤੀ ਚੀਨੀ ਸੰਸਕਰਣ ਵੀ ਉਪਲਬਧ ਹੈ।
ਮਰੀਜ਼ਾਂ, ਪਰਿਵਾਰਾਂ ਅਤੇ ਦੇਖਭਾਲ ਟੀਮਾਂ ਨੂੰ ਸੁਣ ਕੇ, ਅਸੀਂ ਵਿਚਾਰਾਂ ਨੂੰ ਅਰਥਪੂਰਨ ਸੁਧਾਰਾਂ ਵਿੱਚ ਬਦਲਣਾ ਜਾਰੀ ਰੱਖਦੇ ਹਾਂ। RESPONSe ਸਾਡੀ ਖੋਜ ਅਤੇ ਨਵੀਨਤਾ ਅਤੇ ਅਜਿਹੀ ਦੇਖਭਾਲ ਪ੍ਰਦਾਨ ਕਰਨ ਲਈ ਸਾਡੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ ਜੋ ਨਾ ਸਿਰਫ਼ ਹਸਪਤਾਲ ਵਿੱਚ, ਸਗੋਂ ਘਰ ਵਿੱਚ ਵੀ ਮਰੀਜ਼ਾਂ ਦੀ ਸਹਾਇਤਾ ਕਰਦੀ ਹੈ, ਜਿੱਥੇ ਮਨ ਦੀ ਸ਼ਾਂਤੀ ਸਭ ਤੋਂ ਮਹੱਤਵਪੂਰਨ ਹੁੰਦੀ ਹੈ।
